English-Ilokano Dictionary, US Limited Edition


This dictionary took so much of my time. It challenged my ability to pray to the gods and goddesses of languages and cultures. Ten years hard word--hard labor!--is something, indeed. I hope this humble work will be of help in advancing the cause of MLE all over the country, in general, and among Ilokano and Ilokanized communities, in particular.

Fro the Philippine edition, check it out with the publisher, Cornerstone of Arts & Sciences, Quezon City. Contact information is found in my FB wall.

Panagur-uray


Elderly woman dies while waiting in line to watch TV show-Philippine Daily Inquirer, 12-24-10

Alejandra Santos, 72.

Willing Willie, iti Channel 5.

13 nga oras a panagur-uray.

Ramen dagitoy ti gasat nga iti oras

ti milagro ket ti kinadaksanggasat.

Gasat a limlimo kadagiti kanito

ti dagaang iti ili ti santilmo a

mangiyaw-awan.

Kimkiman ti maregmeg

kadagiti iking ti latok ngem ta, iti panagkamtud,

ket ti panaglusdoy dagiti ar-araraw

a masirpatka uray iti apagdarikmat.

Sika ti mangikari iti nam-ay, talinaay,

kappia, abunaw, dur-as

kadagiti adu a panagparintumeng.

Bituen dagiti pannakapaay,

bituen dagiti tarumpingay nga iti telon

ti rigrigat ket sika, sika,

o dios a babassit ti entablado,

ket sika ti mangdegdeg adu pay

a panagur-uray. Ken panagsaraaw.

Matay ti mabisinan a bagi,

iti panagur-uray a masirayanka,

kas ti agkurkuranges nga ili

nga iti iskrin ket maiwarwaragawag

umuna a panangngaasi.

Ta kasta ti biagmi ditoy:

adda maganab a nagabay

a bendision kadagiti sipsipat nga addaan

gatad, lima gasut iti maminsan,

sa riwriw iti kapamindua.

Adda basbas kadagiti agkiraykiray

a silaw ti panagarrap, iti man pannakangngeg

ti kari a nasayaat, iti panaglayus

ti lua kadagiti agrekrekkang a bengkag.

Siak ni Alejandra Santos, ti agbuya

kadagitoy a daeg ti panangallilaw,

ti umuna a premio iti maudi a pangngaldaw

tapno iti ipupusay ket ti pannakapaay.


Dis 10/10

Marikina