Anghel ti Pirak

Ibusonko ti anghel ti pirak.

Dagiti imana adu 

a kas kadagiti kasapulantayo

ken dumngeg iti lapayagna a ribo.

Ti marka iti muging makitam

ti siding ti minilion a kinakakaasi

ket daytoy nga anghel ti pirak

umay nga awit-awit 

ti kuartat' leddaang

a para kadatayo a sibibiag 

ken guduat' patay?

Umay a kaduana 

ti rangarang ti agsapa

kadagiti emailtayo, maminsan, 

mamindua, mamitlo

kadagiti kanito a kasapulantay 

unay ti mangnamnama

a kabaelantay a mapanunot 

iti daytoy a resesion 

ti grasia: 

agnervios dagiti panawentayo,

masmasnaayan a sipupudno, 

ti di sigurado

iti sigurado ti karina, 

daytoy nga anghel ti pirak 

a ti sirmatana iti daga 

nasken a maibuson

iti kada innem a tao: 

innem a papagayam 

a makasapul

iti maibuson a palagiptayo

kadagiti oras 

nga adda pay aldaw

no dagiti rabii 

masalvar tapno agpadanon

iti umuna a raya ti lawag

innem a katao 

nga adda iti listaan 

dagiti ing-ingungoten

estoriada ukkonentayo nga ipan

iti antolohia dagiti panaggangganas 

kadagiti bambanag

a ti lugar ti pait 

adda iti di ammo

a sulsuli dagiti emailtayo.

A Solver Agcaoili

Hon, HI/3-7-09

Araraw iti Talinaay-Serenity Prayer

God grant me the Serenity to accept the things I cannot change, Courage to change the things I can, and Wisdom to know the difference.

 

Ikkannak, Apo, iti Talinaay iti panunot a mangaklon kadagiti bambanag a diak mabalbaliwan, Tured a mangbalbaliw kadagiti bambanag a kabaelak a balbaliwan, ken Sirib a mangammo iti pagdumaan dagitoy. Amen. 

Ti Araraw/The Prayer

(Impatarus ni A. S. Agcaoili manipud iti Ingles a kinanta ni Josh Gorban ken Celine Dion; saan a naipatarus dagiti binatog nga Italiano tapno mapreserva ti textura ti kanta. Nairanta para iti pannakaangay iti pananglagip iti maika-40 nga aldaw ti ipupusay ti maysa kadagiti fundador ti GUMIL Hawai'i, ni Fred Saludes. Naretener ti panakaibabaet ti panagsinnungbat dagiti agdueto kas padron ti pannakakantana. Septiembre 11, 2008.)

Ti Ararawmi/The Prayer

Angie

Sika ti araraw

Papanan tarabay

Itdem kadi’t laing

Panawen nalidem

 

Sika ti ararawmi

Ti panagdaliasat

Lugar itundanakam

Grasiam mangiwanwan

Lugar a natalimengmeng

 

Ariel

La luce che tu dai

Angie

Ararawmi ti silaw

Nel cuore restera

Angie

Agtalinaed puso

Ariel

A ricordaci che

Angie

No bitbituen agrimat

Ariel                     Angie

L’eterna stella sei (eeey)

Ariel

Nella mia preghiera

Angie

Ararawmi koma

Ariel

Quanta fede c’e

Angie

Anniniwan manglidem

Ariel              Angie

Itundanakam lugar natalinaay

A/A

Grasiam

A mangiwanwan

 

A/A

Sogniamo un mondo senza piu violenza

Un mondo di giustizia e di speranza

Ognuno dia la mano al suo vicino

Simbolo di pace e di fraternita

 

Ariel

La forza che ci dai

Angie

Dawaten asi ti biag

Ariel

E’li desiderio che

Angie

Itdem pannarabay

Ariel

Ognuno trovi amore

Angie

Kada kararua koma

Ariel

Intorno a dentro se

Angie

Makabirok ayat

 

A/A

Sika’t ararawmi

Angie

Sika’t ararawmi

Ariel

Kas kada ubing

Angie

Kas kada ubing

A/A

Makasapul taeng,

Grasiam mangidalan

Pammatimi a salakan (eeey)

Ariel

E la fede che

A/A

Hai acceso in noi

Sento che si salvera

Hon, HI/Sept 11, 2008

 

KANTA A PANAGPAKADA ITI PIMMUSAY

(Ayug a naisurot iti ‘Aloha Oe’. Revised version and new translation of the last stanza by A. S. Agcaoili, Sept. 5, 2008. First sung in this format at the wake of Fred Saludes, GUMIL Hawai’i, St. Philomena Church, Salt Lake, Hawai’i, U. S. A.)

 

Maidasayak man ken liday

Apgesna talged ni patay

Sanaangna’t dikam matayutay

Aklonenmi di met makaturay

 

Ay, nagsaem inka isisina

Wen anusanmi awan pamuspusanna

Inton awankan ditoy denna

Lagipmi kenka’t dinto agsarday

 

Maminsan pay nasam-it nga abrasa

Sakbay ti ipapanawmo

Maminsan pay nasam-it nga abrasa

Agingga’t panagkitatayonto manen

Ti Dios Apo kenka ti kumuyog

Kastan, nasayaat a panaginana