Lam-ang, ni Lam-ang!
A Solver Agcaoili
(Written for Waipahu HS Ilokano Program, April 2012)
Cast of characters: all wear Amianan indigenous clothing; the more colorful the weave, the better—and better
L: Lam-ang
IK: Ines Kannoyan
NL: Lam-ang’s mother
TL: Lam-ang’s mother
K1: Koro 1
K2: Koro 2
K3: Koro 3
BK: Babbai a koro
M: Marcos, the baglan
KK: Koro a kabusor
Stage verdant, greens and trees and hills. Daytime in all scenes. (Trixie: please check if there is at least two, or three, among the participants who do the gimbal, or drums. Let ‘em check on indigenous gimbal beat from Northern Philippines)
M:
Apo a Kabunian!
Lagip degdegam!
K1:
Lagip degdegam,
O Apomi a Kabunian!
K2:
Lagip degdegam,
Lumawig umaykan!
K3:
Pakasaritaan itdem kadakam,
Apo Lung-aw a kadaklan!
M:
Bay-anyo a didiosen
A ni Lam-ang lagipen!
K1, K2, K3:
Ni Lam-ang a lagipen
Bay-anyo a didiosen!
M:
Kabunian!
K1:
Lumawig!
K2:
Lung-aw!
Enters NL, Lam-ang’s mother, heavy with child. TL dances the war dance. All koro will dance with them later on. Heavy beating of gimbal. Stage full with people. Occupy stage below. Spread out with the audience.
NL:
Daytoy nga ubing,
Agbalin a masanting!
K3:
Agbalin a masanting
Ni Lam-ang nga ubing!
TL:
Daytoy nga ubing,
Agbalin a masanting!
Koro, ALL:
Ni Lam-ang pakasaritaan
Bannuar ti pagilian!
L:
Lam-ang ti nagan
Lam-ang ti ipanagan
Lam-ang iti darepdep
Lam-ang iti tagainep!
NL:
Nagananna ti bagina!
Nagananna ti naganna!
Koro, ALL:
Nagananna ti bagina!
Naganana ti naganna!
TL:
Lam-ang ti sagibo
Ti anak ti sellangko!
NL:
Lam-ang, saan dungngo!
Lam-ang, ti dangadangmo!
Koro, ALL:
Pinadsoda ni amangna
Ni Lam-ang nga ulila!
Pinadsoda ni amangna
Ni Lam-ang inulilada!
NL: (said, dung-aw)
Pinadsoda ni amangna
Ni Lam-ang inulilada!
Ay, ay anian ta dika nagpakada
Sika nga amana, dika nakita
Kakaisuna aya a bunga!
Koro, ALL:
Ay, ay, ania ta dika nakita
Bunga a solo ti ayatta!
L:
Gubat, gubgubat
Masapul ti ginnubat!
K1:
Gubat, gubgubat
Masapul ti ginnubat!
K2:
Gubatenna ti kabusor
Busol amin a busol!
K3:
Padsuenna ti kabusol
Busor amin a kabusor!
M:
Ni Lam-ang iti ginnubat
Ti ulona ti malib-at!
Paksiatenna ti kalaban
Bagina ti maktatan!
KK:
Umayka sika a Lam-ang
Bannuarna a mangiyaw-awan
Sipulka ti riro
Silpoka ti limdo!
L: (komedia voice)
Daananyo ti espadak a natadem
No diyo madaanan, biagyo ti maiwalang!
Koro, ALL:
Daananyo ti espada ni Lam-ang
Ti espadana a katademan
No diyo madaanan
Biagyo ti mapukawan!
NL: (dung-aw)
Lam-ang a bunga
Sabali nga ili a maiwawa!
L:
Daananyo ti espadak a katademan
No diyo madaanan
Aminkayo ket maparmek itan!
KK:
Daananmi ti espadam
Ngem dimi madaanan!
Voices fade:
Daananmi ti espadam
Ngem dimi madaanan!
War goes. Beating of drums. War dance choreographed.
M:
Kabunian! O didiosen!
Lumawig! O didiosen!
Lung-aw! O didionsen!
O didiosen ti pakasaritaan
Warwarenyo ti pagbanagan!
Koro, ALL:
Didiosen ti pakasaritaan
Warwarenyot’ pagbanagan!
Dios a Kabunian
Dios ti pagilian!
KK:
Lumawig!
Umaykan!
K1:
Kabunian!
Umaykan!
K2:
Lung-aw!
Umaykan!
K3:
Lumawig!
Lung-aw!
Kabunian!
M:
Malpas ti dangadang
Biroken itan ni Lam-ang
Ni Ines a Kannoyan!
L:
Asinno ti napintas a dayag?
Asinno ti nasudi nga ayat?
IK:
Ti puso ket agragutok
Asinno ngata ti virtud?
L:
Ti puso ket agayat!
Ti Ines ti paggayat!
M:
A ta dallot duminidallang
A ta daldallot dalidallang
Ta itan ket ni Lam-ang
Timmibok pusona itan!
Koro, ALL:
A ta dallot duminidallang
A ta daldallot dalidallang!
Ta itan ket ni Lam-ang
Nagayat ken Kannoyan!
K1:
Iti sabong a napintas
Ti ayat nga ipapas
K2:
A ta dallot duminidallang
Ayaten met ni Kannoyan
K3:
Ti baro a kataknengan
Ni Lam-ang nga ulidan!
Koro, ALL:
Amin a galad, dalidallang
Ta daldallot, dalidallang
Ni Lam-ang a pagayam
Agungar pakapadsuan!
M:
A ta dallot duminidallang
Ni Lam-ang ket agungar
Ni Lam-ang ket agungar
Agbiag iti nakapasagan!
Koro, ALL:
A ta dallot duminidallang
Ragsak ni dallot, ragsak ni dallang
Ta ita ket ti pakasaritaan
Ni Bannuar ti Ilocos a ni Lam-ang
K1:
A ta dallot duminidallang
Ragsak ni Lam-ang, ragsak ni Kannoyan
A ta ragsak ni Lam-ang
Ragsak ni dallot
Ragsak ni Kannoyan!
K2:
Iti kasamientoda nga agkammayet
Da Lam-ang ken Kannoyan nga Ines
A ta dallot duminidallang
Iti maymaysa itan a dulang!
K3:
A ta dallot duminidallang
Ragsak ni dallot, sudi ni dallang
Iti ayat ni Lam-ang, iti ayat ni Kannoyan
Ditoy nga aggibus pakasaritaan!
L:
A ta dallot duminidallang
Ragrasak ni dallot duminidallang
Sika nga Ines Kannoyan nga ayat
Sika ti pakabuklan ni gasat!
IK:
Sika met a Lam-ang
Bannuar ti ili, bannuar ti pagilian
Kenka nga idaton ‘toy rikna
Kenka nga isagut ‘toy ayat!
Koro, ALL:
Awanen ti sabali no di sika
Ta daldallot sika laeng ti sika
Ta daldallot duminidallang
Sika laeng ti pakabuklan!
L:
A ta daldallot, duminidallang
Awan koma ngarud itan
Ines Kannoyan nga ayat!
Kakaisuna a pakabuklan!
IK:
Awatek a sipupuso
Ayatmo kaniak, napudno!
Koro, ALL:
A ta daldallot duminidallang
Ragsak ni dallot, sudi ni Lam-ang
Kastoy ti pakabuklan
Ayat ni Ines ken Lam-ang
GIBUSNA--
No comments:
Post a Comment