Heartland Poems, 2

Korte a Di Suprema ti Sanabagan


Korte a di suprema ti sanabagan.
Umuna nga aramid: itungtungkuam.

Korte a di suprema ti sanabagan.
Maikadua nga aramid: kinnumpadrean.

Korte a di suprema ti sanabagan.
Maikatlo nga aramid: palangguadam.

Korte a di suprema ti sanabagan.
Maikapat nga aramid: ikkatem ti bain.

Korte a di suprema ti sanabagan.
Maikalima nga aramid: pabengbengem ta rupam.

Korte a di suprema ti sanabagan.
Maikanem nga aramid: killuem ti linteg.

Korte a di suprema ti sanabagan.
Maikapito nga aramid: lintegem ti killo.

Korte a di suprema ti sanabagan.
Maikawalo nga aramid: sisiem ti nabati pay a lalat ti ili.

Korte a di suprema ti sanabagan.
Maikasiam nga aramid: manglutoka iti hukuspukos.

Korte a di suprema ti sanabagan.
Maikasangapulo nga aramid: agbitlaka maipapan iti wayawaya.

Korte a di suprema ti sanabagan.
Maikasangapulo ket maysa nga aramid: alaem ti gatilio.

Korte a suprema ti sanabagan.
Maikasangapulo ket maysa nga aramid: ikantam ti madam.

Hon, HI/Enero 01, 2012