Undayas

Bangkirig daytoy ti turod
nga iti rabii ket ti kasukat

a kulay-ot ti bituka,
iti russuod ti rusok.

Adda dagiti lagip iti dara
ken ti balikas nga adda iti daytoy.

Agkarayam kas apuy
ti puor nga ipasngay

ti undayas ti lengguahe
nga iti patag ket maitibkol.

Lasunglasong ti rason
iti mangganggantil a patibong

nga iti silo dagiti aldaw
ket ti di mamingga

a karanukon, nagmanto
kadagiti silabat' panagmauyong.

Kastada dagiti mannaniw
iti ili. Isuda ti agibulsa

kadagiti kaipapanan
a kadagiti linabag koma

ket sadiayda nga agbirok
iti puraw a salakan.

Marikina/
Julio 18, 2011

No comments: