ULTIMO ADIOS/ MAUDI A PAKADA
Ni Dr Jose P. Rizal
Inyulog ni A. Solver Agcaoili
1.
Agpakaadakon, o Ili, dagat’ init a tangkayag
Perlas tataaw iti daya, Eden awanan raniag!
Naliday a di maiyebkas, itedko kenka ‘toy biag,
Koma ta narayrayray, nasadsadiwa, naim-imbag,
Kenka idaton nga ingget regget, sayaat ti banag.
2.
Iti
pagbabakalan, iti rinnapok a nakaro a dangadang
Dadduma
iteddat’ biag di agduadua awan sanaang
Iti amin-amin
a disso, addaan sipres, laurel wenno awan
Pakadusaan
man, panag, sinnupring dissot’ pakamartiran
Padapada
amin no dawaten taeng, daga a nakaiyanakan
3.
Pumusayak a
makasaksi rugi ti marismaris a tangatang
A mangiwaragawag
iti aldaw kalpasan sipnget kaltaang
No kasapulam
ti tayengteng a mangtinat’ silnag ti rabii
Ibukbokmo
ti darak ket iti rumbeng unay a kanito, iwarsi
Ken iti
iking daytoy ket anninaw kaiyyanak a lawag ibursi!
4.
Dardarepdepko,
idi maysaak pay nga agtutubo,
Dardarepdepko,
agkabannuagak ket narungbo,
Ket
makitaka, sika a Gameng iti baybay iti Daya,
Nangisit a
matam namaga, tangig muging awan duma
Awanan
rupanget, awanen buribor, awanan mansa.
5.
Ti reggetko
iti daytoy a biag, ingget bara a paggaayat,
O sika!
Ipukkaw ti kararuak kenka iti inta panagsina;
O sika!
Nagsam-iten ti pumusay tapno mabukelka;
Mapadsoak tapno
agbiagka, iti babat’ langit nga agpakada,
Ket iti
mistiko a dagam ditoyak nga awan-ressat aginana.
6.
No iti
rabaw ti tanemko makariknkantot’ pul-oy,
Kadagiti
narukbos a karuotan ket maysa nga apuy,
Ipanmo koma
kadagiti bibig ket agkan kararuak,
Ken iti
nalamiis a tanem, iti muging ket mariknak,
Darang ti
angesmo, ken ti ayamuom ayat kaniak.
7.
Palugodam
koma a ti naumbi a sinlag ti bulan agpakita,
Palugodam
bigat itedna kaniak apagsayud lawag agsapa,
Iti arasaas
bay-am a ti angin sennaay iti tanem ipeksana,
Ket no adda
maysa a tumatayab iti krusko nga agbatay,
Palugodam
nga agdayyeng maysa a samiweng ti kappia.
8.
Palugodam a
ti umap-apuy nga init alimuom italawna
Ket kaduana
ti regget agsubli ti law-ang a sisasadia;
Palugodam a
ti pagayam aglua iti ipapatay a nasapa;
Ket
kadagiti naulimek a malem iti panangikaragda kaniak,
Iyararawannak,
O, Ina a Daga, ta iti Namarsua aginanaak.
9.
Iyararawam,
O Ili, amin a naidasay nga awanan gasat,
Amin dagiti
di maipeksa a ranggas ket nagdaliasat;
Amin a
kakaasi nga inna nga iti pait ket agdungdung-aw;
Amin nga
ulila, balo, balud a ti panagsagaba di pimmanaw,
Ken iyararawam
met a makitam salakanmo di am-amangaw.
10.
Ket no ti
nasipnget a rabii sallukobannat’ lugar-ni-dasay,
Ken dagiti
laeng minatay ti nabati nga agbambantay,
Dimo
singaen ti inda panagulimek, ti misterio ni patay:
No
matimudmo dagiti aweng ti sitara, kas ti salteria,
Siak
daytoy, ipatpateg nga Ili, siak kenka ti agkankanta.
11.
Ket no awanton
ti makalagip iti disso daytoy tanem,
Awananen
iti krus wenno batonlagip a panglasin,
Palugodan
nga araduen, iwarakiwak a kas rumbeng
Ket ti
dapok nga iti kaawan ket makita pay laeng,
Bay-an nga
agbalin a tapok mangarpaw kadagaanen.
12.
Iti udina
awan ania manna no siak ket ita lipatem;
Ti
atmosferam, dagiti tangatang, tantanap kisapem;
Ta
agbalinakto a naregta a musika iti panagdengngeg:
Ayamuom,
lawag, maris, arasaas, kanta, anil-il nauneg,
Dagdagulliten
dagitoy ti anag ti pammatik a nabaneg.
13.
Ilik nga
id-idoluek, sika a nakaro a pakailaak,
Patgek a
Filipinas, kenka ti maudi a pakadak;
O, imdengam
ta ibatik amin: dadakkelko, ayatko,
Tundak
disso awan adipen, sinandadaulo, berdugo
Sadiay
pammati di mangettel, Dios isuna ti reino.
14.
Agpakadaakon
nagannak, kakabsat mangipatpateg,
Pagayam iti
kinaubing, iti taeng nga ita ket malbeg;
Agyamankayo
ta itan ket aginanaak aldaw ni tellaay;
Innakon,
dimmiro a baniaga, gayyem a ti dana nangrayray;
Kadakayo
amin agpakadaakon; panaginana met ti ipapatay.
No comments:
Post a Comment