KARARAG ITI PANANGABANDONA--PATARUS NI A S AGCAOILI

KARARAG ITI PANANGABANDONA ITI AMIN

Ni Charles de Foucauld
Impatarus iti Ilokano ni A Solver Agcaoili 

Ama, 
abandonarek bukodko a bagi kadagiti imam;
aramidem kaniak ti pagayatam.
Ania man nga aramidem, agyamanak: 
sisasaganaak iti amin, awatek ti amin. 

Ti pagayatam laeng koma ti matungpal kaniak,
ken kadagiti amin a pinarsuam--
awanen ti mas ar-ararawek pay
no di ketdi daytoy, O Apo.

Kadagiti imam nga isukok ti kararuak:
idatonko kenka agraman ti amin nga ayat iti pusok,
gapu ta ay-ayatenka, O Apo, isu a masapul
nga itedko ti bukodko a bagi,
nga isukok ti bagik kadagiti imam
nga awanan pangadua,
ket sibubukel a panagtalek,
gapu ta sika ti Amak.

PRAYER OF ABANDONMENT

Father,
I abandon myself into your hands;
do with me what you will.
Whatever you may do, I thank you:
I am ready for all, I accept all.

Let only your will be done in me,
and in all your creatures -
I wish no more than this, O Lord.

Into your hands I commend my soul:
I offer it to you with all the love of my heart,
for I love you, Lord, and so need to give myself,
to surrender myself into your hands without reserve,
and with boundless confidence,
for you are my Father.

Hon, HI/
Dis 29, 2013

No comments: