Baro
a Mannaniw
Sursurotek
ita ti tema
Ti
pannakatnag da Camus ken Sartre
Iti
saning-i dagiti binatog
Nga
adda iti barukong dagiti duduogan
Ammok
a diakto manen makagatang
Iti
ayat iti tarabiit a pitik ni lagip
No
dagiti maipusing a babawi
Dinakto
aliawen
Pannakalmesko
iti mangrabrabii a tagtagainep
Agsubliakto
a matnag iti saning-i
Ti
sinamar kadagiti mabuniagan
Iti
nagan ti langit
Tapno
itedkot’ bendision
Ti
makipagnanaed iti agdama a temat’
Napabaro
nga ibabangon
Ta
di latta malipatan dagiti mannaniw
Panagkeppet
ti busel a di nagukrad
Uray
no naiyuper iti dara ti tapok
A
pug-aw dudugel di nagteng a pantok
Ni
malmalanga a lasag met
Ti
tibbayo ni taktakuat
Gudasek
maminsan pay
Biag
kadagiti pluma ti panagsubli
Tapno
matnagak lubong
Ti
naruay a panaglibas
Iti
siled dagiti linumoten a bara
Kas
iti indayon no saan nga aglallay
Wenno
no awan dumngeg iti lallay
Didanto
manen aglako iti palpalakpak
Ngem
takuatenta, baro a mannaniw,
Takuatenta ti saning-i dagiti binatog
Nga
adda iti barukong dagiti dudungsa
Tapno
agsublita a dua iti pintas
AURELIO
S. AGCAOILI
Published in Bannawag, Jun 1983/Revised for accuracy and prosody
No comments:
Post a Comment