Awan balo a sao

Awan balo a sao kenka.
Saan a kenka ti ulimek
ta dagiti balikas
mannamayda a mangted
ulaw talimudaw mamayo
tapno kadagiti bangbangir
nga isem ti demonio
ket sika: mannaniwka

kadagiti amin a panagkatangkatang
kadagiti asul nga ulep
kas iti kimat ti dusa nga apagapaman
ket iti aganak ti sal-it a sennaay
ket ti agrubrubbuat itan
a rikna ti mapaay.

Awan a balo a sao kenka.

Sika dagiti amin a tabbaaw
dagiti raprapin dagiti utek
nga iti ginget ti lagip
ket ti agmurir a ladladingit.

Hon, HI

No comments: