Alusiisen dagiti rikna
a lukaisan dagiti panawen,
naunday ken maar-arakattot
ar-arutiit kas iti ubing
nga ayat nga iti pus-ong
ket agragut a makaruk-at
dingnguen a di pamanso
kigaw nga abuyo a makabasa
iti abakada ti silo
ket aminen a panagkubkob.
Sikapan ketdi nga ar-artiokan
lamlamiongen kas iti nagkauna
a panaritaan dagiti ungngo
dagiti agayan-ayat nga iti karayo
ket ti agassawa a ragragsak
wenno ungto dagiti alimpatok
a panaginnala dagiti agpangpangngadua
a rugso dagiti agpaspasmok.
A Solver Agcaoili
Manoa/Oct 19, 2009
No comments:
Post a Comment