Sungbat ti Kaingungot

Daytoy ti sungbat
ti kaingungot iti nagabay a surat:


Patgek nga asawa:

An-anosam dagiti ribo pay kinaagmaymaysa.

Anosam met dagiti ribo pay a pannakabibi.

Adayo ngamin ti lagip ket saan a kas karina nga agpangen dagiti aldaw ken espasio ni ayat a para kadagiti annak, isuda a gapu dagitoy a panangisagutta kadagiti ladingit ken ragsak.

No dadduma, madanaganak gapu kadagiti linabag, dagiti naulimek a pahina dagiti email iti kada bigat a padaanak ti baro a damag manipud kenka, kadakayo amin iti adayo a lugar, dakakayo a pimmanaw tapno di kami pumanaw, dakayo nga agsagsagrap iti saem tapno dimi masagrap ti ania man a saem.

Patibkerem ti nakem.

Kas iti daniwmo iti maysa nga exilo a naisalakan iti didigra, addanto aldaw a panagapit kadagiti amin nga intukit: ti daniwmo, kas pagarigan, a maipapan iti panagbirbirok iti kaipapanan.

Ala, agisemto ti gasat kadatayo, datayo a mamati iti linteg dagiti baybay a namagsina kadatayo, iti linteg dagiti maipasngay a kaasi
dagiti rabii dagiti sining-i.

Ditay maawanan iti simbeng ti pakinakem ta adda unnoy
dagiti agapon a samiweng, agindegda kadagiti barukongtayo, ditoyda a dumngeg kadagiti kararagtayo,

Kaingungotmo

No comments: