14 Juan Luna Street, Area 1
University of the Philippines
Diliman, Quezon City, Philippines 1101
KABLAAW
Nabara a kablaaw iti Umuna a Komperensia nga inlungalong ken nagbubuligan ti Ilokano Language and Literature iti Universidad ti Hawai`i iti Manoa, ti GUMIL Hawai`i, ti Annak ti Kailokuan iti Amerika, ti Timpuyog Dagiti Mannurat nga Ilokano iti Amerika, ti TMI Global, ti TMI Filipinas, ti Nakem Conferences Inc., ti Nakem Conferences Philippines, ti International Academy for Ilokano and Amianan Studies, ken ti Center for Philippine Studies iti Universidad ti Hawai`i iti Manoa. Maysa a historikal a panagtataripnong daytoy 2007 International Conference on Ilokano and Amianan Literatures and Cultures.
Maragsakanak unay iti pannakaipasngay ti Timpuyog dagiti Mannurat iti Iloko iti Filipinas ken Global. Ibilangko a lehitimo nga anak ti GUMIL Filipinas daytoy nga asosasion, a kas met iti panangibilangmi idi iti GUMIL Filipinas a lehitimo nga anak dagidi immuna a timpuyog dagiti mannurat nga Ilokano idi sakbay ken kalpasan ti Maikadua a Gubat Sangalubongn. Nagasat ti GUMIL Filipinas ta tinarabay ken pinadakkel dagidi lallakay ken agkabannuag a mannurat. Masapul a tarabayen met dagiti lallakay ken agkabannuag a mannurat iti agdama ti TMI agingga a dumakkel ken pumigsa daytoy.
Iti unos ti nasurok nga uppat a pulo a tawen ti GUMIL, impangrunana ti pannakapapigsa ti asosasion ken pannakapabaknang ti Literatura Ilokana. Saanna unay a naitaltalek ti pannakaipatarus dagiti Obra Maestra ti Literatura Ilokana iti sabsabali a lengguahe iti Filipinas ken iti lubong.Panagkunak, daytoy ti kangrunaan nga akmen ti TMI-Filipinas ken -Global tapno mairaman ti Literatura Ilokana iti Literatura ti Lubong. Iti ababa a pannarita, no nagpatingga ti GUMIL Filipinas iti Iloko ken Filipinas dagiti gapuanan dagiti kamengna, kangatuan a pangted ti TMI-Filipinas ken -Global ti pannakaipatarus iti nadumaduma a lengguahe iti lubong, pannakaitampok, ken pannakaisaknap dagiti kapipintasan a tawidna iti Literatura ni Ilokano iti sangalubongan. Iti daytoy laeng a pangted, dakkelen, ken dinto malipatan, a gapuanan ti TMI para iti Filipinas ken iti sangalubongan.
Awatenyo ngarud ti bendisionko manipud iti Apo a Mannakabalin Amin:
BENEDICTAM ADSCRIP TAM RATAM RATIONAVELEM ACEPTABILEM QUE FARCERE DIGNARES kadakayo amin nga Opisial ken Kameng ti Timpuyog dagiti Mannurat iti Iluko iti Filipinas ken iti Lubong, VESENTEROS REPTIS MECUM SALVATOREM. Amen.
(Pirmado) JUAN S.P. HIDALGO, JR .
No comments:
Post a Comment