Ti Pabuya iti Retrato
Kuna ti kapsion ti retrato: “Trench of dead Filipino soldiers, Bulacan, 1899, National Archives, Philippine Photo Collection,”
Singgalot-The Ties That Bind: From Colonial Subjects to Citizens, Bishop Museum Exhibit, Honolulu, HI, Okt. 1, 2006)
Agkintayeg ti lasag
Sa ti kaunggan iti pabuya
Dagiti diding.
Iti ili a nakayanakan
A napasag dagiti amin
A tagainep:
Naintar-intar dagiti naabak
A dangadang dagiti soldado
Dagiti agsapa
Ken agsipnget
A panangiyalikaka
Koma iti ayat ti puli
Wenno puli ni ayat.
Ay, maintar-intar
A maitabon dagiti buteng
A kasingin dagiti tulag
Ni kinaranggas,
Sagut ti Espania
Kas met iti regalot ti Amerika
Iti agpatnag a panagrupsa
Dagiti bangkay
Ti hinukospukosda a wayawaya,
Balligi koma ti adda iti pakasaritaan,
Ngem ania ket saan:
Bilangem kadagiti ramay
Dagiti naipatli
Ken sabali pay a ramay
Ken dagiti ramay pay
Dagiti pimmusay
Dagiti sibibiag a natay
Dagiti maipasngay pay laeng
Darepdep man wenno tao
Wenno taotao dagiti darepdep.
Kanen ta kanen dagiti pagikalian
Dagiti marsaak a tured,
Daton dagiti garakgak
Ken sagawisiw
Ti pannakaparmek.
A Solver Agcaoili
Bishop Museum, Honolulu, HI
Okt 1, 2006
Nakem Conference Maangay iti Unibersidad ti Hawai`i
Ni Aurelio S. Agcaoili, PhD
Coordinator, Ilokano and Philippine Drama and Film Program
Unibersidad ti Hawai`i-Manoa
Honolulu, HI
Iti umuna unay a gundaway, maangay ti kadakkelan a panagtataripnong dagiti nagduduma nga iskolar, akademiko, risertser, mannurat, ken lider kadagiti gannuat a mangilaylayon iti sistematiko a pannakabinsabinsa ken pannakaadal kadagiti bambanag maipapan iti kina-Ilokano ken kina-Filipino iti man Filipinas wenno iti ballasiw-taaw. Maangay ti “Nakem: Imagination and Critical Consciousness in Ilokano Language, Culture, and Politics,” iti Unibersidad ti Hawai`i-Manoa inton Nobiembre 9-12, 2006.
Ilunglungalong ti Ilokano and Philippine Drama and Film Program iti Unibersidad ti Hawai`i babaen ti tulong ti Leeward Community College-Philippine Studies Program, ti Center for Philippine Studies iti Unibersidad ti Hawai`i-Manoa, ti National Foreign Language Resource Center ken ti National Endowment for the Humanities, madiskutir iti Nakem Conference dagiti isyu maipapan iti pagsasao nga Ilokano, ti teoretikal a direksion ti Ilokano studies-Amianan studies, ti maipapan iti kritikal a panaganalisa iti naratib iti pakasaritaan, ti maipapan iti parikut ti identidad kadagiti imigrante nga Ilokano ken Filipino, ti penomenon ti diaspora ken padas nga exilo, ti panagkakammayet dagiti kultura, ti lengguahe nga Ilokano kas maysa a gameng, ti pannakaitandudo ti kultura nga Ilokano ken dagiti nagduduma a wagas ti panagsukisok para iti sistematiko a panagadal maipapan iti kina-Ilokano ken kina-Filipino.
Mairaman kadagiti nagduduma a diskusion ti panel ti pannakatratar dagiti pakaseknan maipapan iti salun-at ken kinaranggas iti taeng, ti politika ti kultura, ti maipapan kadagiti Filipino nga adda iti ballasiw-taaw nga adda iti politika, ti pannakaisuro ti siensia babaen iti lengguahe nga Ilokano, dagiti pamuspusan tapno maistandardisa ti ortograpia ti lengguahe nga Ilokano, ti Ilokano linguistics, ken dagiti babbai iti kur-itan nga Ilokano.
Maawis a mangted iti keynote address ni Dr. Bienvenido Lumbera, Professor Emeritus iti Unibersidad ti Filipinas ken kabaruan a National Artist ti Filipinas iti benneg ti literature.
Manamnama ti panangibunannag ni Dr. Lumbera kadagiti gabenen dagiti lengguahe ken literatura a naggapu kadagiti rehion tapno naynay ti pannakabukel ti nailian a lengguahe ken kultura. Ni Lumbera ti mabigbig a kontemporario nga ama ti kritikal a pannakasukisok kadagiti literatura nga aggapu kadagiti rehion. Inrusuat ni Lumbera ti baro a dana tapno maikkan iti naan-anay a pannakaanalisa dagiti sinurat dagiti Filipino a saan nga usar ti lente ti kinaasinnotayo a kas puli ken komunidad.
Manamnama pay ti pannakaangay kadagiti nagduduma a panel tapno mapagsasaritaan dagiti parikut maipapan iti panagsurat, iti kritisismo, ken iti pannakapasayaat kadagiti manuskrito tapno iti kasta ket magtengda dagiti pagrukodan para iti de-kalidad a sinurat. Ipanguluan dagiti agkakalaing a mannurat iti Filipinas ken iti Hawai`i dagitoy a panel.
Aggapu dagiti partisipante, agdiskurso, ken mannurat iti Filipinas, Australia, Japan, Canada, Hawai`i ken Mainland nga Estados Unidos.
Malaksid ken ni Dr. Lumbera, mangted met da Dr. Lilia Quindoza Santiago ken Dr. Ma. Crisanta Nelmida Flores iti sabali a keynote address iti maikatlo ken maikapat nga aldaw ti kumperensia.
Iti maudi a rabii ti kumperensia, maangay ti maysa a konsierto, “An Evening of Philippine Music and Classics” a pagkataan dagiti dua a kantor a nalatak iti sangalubongan, da tenor a Noel Velasco ken mezzo soprano a Gigi Mitchell Velasco.
Manamnama a daytoy umuna a Nakem Centennial Conference a parte ti makatawen a selebrasion ti sentenario ti idadateng dagiti immuna a sakada iti Hawai`i ket maulitto iti Filipinas agingga nga agbalin daytoy a kumperensia nga institusion iti akademia, iti panagsukisok, ken iti dirkurso ni kina-Ilokano ken kina-Filipino.
Mabasa dagiti sabsabali pay nga impormasion iti daytoy internasional a panagtitipon iti website ti kumperensia, www.philippinesonline.org/nakem.
Coordinator, Ilokano and Philippine Drama and Film Program
Unibersidad ti Hawai`i-Manoa
Honolulu, HI
Iti umuna unay a gundaway, maangay ti kadakkelan a panagtataripnong dagiti nagduduma nga iskolar, akademiko, risertser, mannurat, ken lider kadagiti gannuat a mangilaylayon iti sistematiko a pannakabinsabinsa ken pannakaadal kadagiti bambanag maipapan iti kina-Ilokano ken kina-Filipino iti man Filipinas wenno iti ballasiw-taaw. Maangay ti “Nakem: Imagination and Critical Consciousness in Ilokano Language, Culture, and Politics,” iti Unibersidad ti Hawai`i-Manoa inton Nobiembre 9-12, 2006.
Ilunglungalong ti Ilokano and Philippine Drama and Film Program iti Unibersidad ti Hawai`i babaen ti tulong ti Leeward Community College-Philippine Studies Program, ti Center for Philippine Studies iti Unibersidad ti Hawai`i-Manoa, ti National Foreign Language Resource Center ken ti National Endowment for the Humanities, madiskutir iti Nakem Conference dagiti isyu maipapan iti pagsasao nga Ilokano, ti teoretikal a direksion ti Ilokano studies-Amianan studies, ti maipapan iti kritikal a panaganalisa iti naratib iti pakasaritaan, ti maipapan iti parikut ti identidad kadagiti imigrante nga Ilokano ken Filipino, ti penomenon ti diaspora ken padas nga exilo, ti panagkakammayet dagiti kultura, ti lengguahe nga Ilokano kas maysa a gameng, ti pannakaitandudo ti kultura nga Ilokano ken dagiti nagduduma a wagas ti panagsukisok para iti sistematiko a panagadal maipapan iti kina-Ilokano ken kina-Filipino.
Mairaman kadagiti nagduduma a diskusion ti panel ti pannakatratar dagiti pakaseknan maipapan iti salun-at ken kinaranggas iti taeng, ti politika ti kultura, ti maipapan kadagiti Filipino nga adda iti ballasiw-taaw nga adda iti politika, ti pannakaisuro ti siensia babaen iti lengguahe nga Ilokano, dagiti pamuspusan tapno maistandardisa ti ortograpia ti lengguahe nga Ilokano, ti Ilokano linguistics, ken dagiti babbai iti kur-itan nga Ilokano.
Maawis a mangted iti keynote address ni Dr. Bienvenido Lumbera, Professor Emeritus iti Unibersidad ti Filipinas ken kabaruan a National Artist ti Filipinas iti benneg ti literature.
Manamnama ti panangibunannag ni Dr. Lumbera kadagiti gabenen dagiti lengguahe ken literatura a naggapu kadagiti rehion tapno naynay ti pannakabukel ti nailian a lengguahe ken kultura. Ni Lumbera ti mabigbig a kontemporario nga ama ti kritikal a pannakasukisok kadagiti literatura nga aggapu kadagiti rehion. Inrusuat ni Lumbera ti baro a dana tapno maikkan iti naan-anay a pannakaanalisa dagiti sinurat dagiti Filipino a saan nga usar ti lente ti kinaasinnotayo a kas puli ken komunidad.
Manamnama pay ti pannakaangay kadagiti nagduduma a panel tapno mapagsasaritaan dagiti parikut maipapan iti panagsurat, iti kritisismo, ken iti pannakapasayaat kadagiti manuskrito tapno iti kasta ket magtengda dagiti pagrukodan para iti de-kalidad a sinurat. Ipanguluan dagiti agkakalaing a mannurat iti Filipinas ken iti Hawai`i dagitoy a panel.
Aggapu dagiti partisipante, agdiskurso, ken mannurat iti Filipinas, Australia, Japan, Canada, Hawai`i ken Mainland nga Estados Unidos.
Malaksid ken ni Dr. Lumbera, mangted met da Dr. Lilia Quindoza Santiago ken Dr. Ma. Crisanta Nelmida Flores iti sabali a keynote address iti maikatlo ken maikapat nga aldaw ti kumperensia.
Iti maudi a rabii ti kumperensia, maangay ti maysa a konsierto, “An Evening of Philippine Music and Classics” a pagkataan dagiti dua a kantor a nalatak iti sangalubongan, da tenor a Noel Velasco ken mezzo soprano a Gigi Mitchell Velasco.
Manamnama a daytoy umuna a Nakem Centennial Conference a parte ti makatawen a selebrasion ti sentenario ti idadateng dagiti immuna a sakada iti Hawai`i ket maulitto iti Filipinas agingga nga agbalin daytoy a kumperensia nga institusion iti akademia, iti panagsukisok, ken iti dirkurso ni kina-Ilokano ken kina-Filipino.
Mabasa dagiti sabsabali pay nga impormasion iti daytoy internasional a panagtitipon iti website ti kumperensia, www.philippinesonline.org/nakem.
Subscribe to:
Posts (Atom)