Dara ti Kurrarayan

(Pakauna a Palawag:
Impatulod ti dati nga adalak iti seminario daytoy a daniw, maysa nga adalan a nabayagen a di nakita: agarup 15 a tawen ngata wenno nasursurok pay. Numan pay masirmatak daydi nga agtutubo, diakon ammo ti langana ita ta kunana ket naestaduan kanon ken addaanen iti dua a putot nga agpada a mangtawid iti apiliedona, segun iti e-mailna kaniak ita nga aldaw, ti kaunnaan nga e-mailna iti las-ud ti dayta a tawen a di panagkita. Ngem sursurotenka iti pappapaman, kinunana pay: manipud iti Tarrance, California, sa ditan Hawaii, sa iti Nakem, sa IAS.

Awan ngatan ti makasagid iti rikna no di daytay pananglagip mismo ti adalan kadagiti babassit-usit a kinaimbag (saanen a lagipen ti kinarungsot iti klase ken ti kina-terror ta kasta ngarud ti awagda kadakami no kasta nga adu ti paubrami) ti maysa a nanumo a manursuro nga agar-arapaap nga adda maisurona.

Gapu ta agsubli dagitoy nga adalan--kas iti panagsubli kaniak ni Florentino Lorenzana wenno Ka Loren, ipatok lattan nga adda bassit naibatik iti panunotda ket daytan ti pamkuatak nga agyaman. Dinaniwannak pay ti adalan--ket iburayko ngarud daytoy a daniw a nakariknaak iti ray-a, rag-o, ragsak. Agyamanak unay, Ka Loren.)


Dara ti Kurrarayan

(para kenni Dr. Aurelio S. Agcaoili)

Ala agwarsika iti bagas.
Iramanmo pay dagiti ibu ken itta
Kasta met dagiti batbato a naiwawa.
Dita ruangan, didiay tawa,
Uray didiay paraangan
Ken idiay Malakaniang.

Ditoy bukot, duri, ken dapan
Iridismo dagiti pagbuniag nga asin.
Itanamitimmo dagiti arasaas
A naadalmo diay Anggaki.

Iparabawmo dagiti liningta
Nga itlog kadagiti ungot.
Dimo liplipatan ti anglem
A barabad ti sugat.

Iti panagatang ket ti panangiyayab:
“Ay, maykan! Ay, maykan!”

Maibitin dagiti lagip a masukdal,
Mairikus kadagiti bantay ken kadan-aran
Ket maiparakupok ti dara ti kurrarayan.

Maipupok ti buok iti alipuspos
Ngem, rumkuas dagiti gapu:
Iti baba ti alipuspos ket ti ranget
A maulit-ulit, di agressat
Uray iti agsipnget.

Adda diskurso iti angin
Ket wen, ti kurrarayan
Ti umuna a maidadanes.


Florentino B. Lorenzana
Becques, Tagudin, Ilocos Sur

Tularamid 2007

TULARAMID 2007
A 2-Part Drama Workshop
Ilokano Language and Literature Program
University of Hawai`i at Manoa

With assistance from
• Student Activity and Program Fee Board, UH Manoa
• Timpuyog: Ilokano Student Association
• IP 362: Philippine Drama Class Fall 2007

1st Part: DRAMATIC THEMES OF OUR LIVES
October 17, 2007, 2:30-5:00 PM, Moore 103, UH Manoa
together with AANCART
Domestic Violence Clearinghouse and Legal Hotline
& a drama workshop with Aurelio S. Agcaoili, Ph.D.


2nd Part: FROM CONCEPT TO PERFORMANCE
October 25, 2007, 2:30-5:00, Moore 103, UH Manoa
with
Prescila Llague Espiritu, M.A. &
Aurelio Solver Agcaoili, Ph.D.

Open to the public. Free admission.

Call UH Ilokano and Philippine Drama and Film Program for more information: 808-956-8405.