Dagnay, Ilokano Lexicography

BALIKAS ITA NGA ALDAW. (337) -- DAGNAY

dagnay 1. png panagnayon 2. png panangpaadu 3. png panangiraman 4. png panangpunno 5. png panangbukel 6. spp augmentation (Ing), increase (Ing), inclusion (Ing), incorporation (Ing), dagdag (Tag), pagbuo (Tag) 6. sin nayon 7. prt agdagnay, dagnayen dumagnay, mangdagnay 8. png panagdagnay, panangdagnay 9. kej ‘Agdagnay met dagiti kunniber iti ili. Kunada idi ta gapu ta umad-adu met dagiti agig-iggem iti rosario iti publiko ket dinton madagnayan dagiti agraraay a mannabungaw. A, ngem ta kaskadi met latta a dagnay a dagnay dagiti isu met laeng nga isu a manguskusit kadagiti fundo a naisangrat para iti panagdur-as kadagiti marigrigat ken kadagiti lenglengleng.’ wenno ‘Dagnayan koma pay ti Namarsua ti basbas nga it-itedna kenka tapno agtultuloy met ti panangiburaymo iti dayta a basbas iti sabali.’

Sors: A Solver Agcaoili, Monolinggual a Diksionario ken Tesoro nga Ilokano.

Digrafo, Ilokano Lexicography

digrafo 1. png kaso ti dua a letra (iti maysa nga alfabeto) a maymaysa laeng nga uni ti pannakaiyebkasna 2. png iti kaso ti kontemporaneo nga alfabeto nga Ilokano: ti ‘ng’ ken ti ‘ch’ 3. png iti kaso ti Ingles, dagiti letra a ‘p’ ken ‘h’ a mangpartuat iti ‘f,’ wenno ti kaso ti ‘ey’; sabali pay ti kaso ti ‘sh’ 4. spp digraph (Ing), digrafo (Esp) 4. kej ‘Ti ch iti chiesa, kas ti ch iti chiko ket ejemplo ti digrafo iti Ilokano.’ wenno ‘Ti ng iti ngatangata ket maysa a duogan a digrafo iti duogan ken kontemporaneo nga Ilokano.’ 

Sors: A Solver Agcaoili, Monolinggual a Diksionario ken Tesoro nga Ilokano.