Kayaw ken Parabur ti Sao iti Febrero

Maysa a serye ti poetry reading, poetry recitation, ken poetry writing ti idaton ti Timpuyog: Ilokano Student Association iti Unibersidad ti Hawai`i iti Manoa iti bulan ti Febrero, Marso, ken Abril ita a tawen.

The program ket sinuportaran ti Associated Students of the University of Hawai`i ken ti Student Activity and Program Fee Board babaen iti maysa a grant a naited iti Timpuyog.

Agsao ni Dr. Aurelio Solver Agcaoili iti nasao a serye a pakaitampokan ti teoria ken praktikana maipapan iti panagsurat iti daniw iti Ilokano ken iti English translation.

Maitampok met iti nasao a serye ti panangibasana kadagiti gapuanan agraman ti nangabak a koleksionna nga “Agwarsitayo iti Bagas” nga inyulogna iti “Rice Rituals”.

Basaen ni Agcaoili dagiti trabahona a kas muhon ti panangilawlawagna iti konsepto, proseso, ken execution ti idea maipapan iti partikular a daniw nga adda iti isip agingga a maisurat daytoy iti papel.

Para umuna a serye a maangay iti Campus Center, Unibersidad ti Hawai`i iti Manoa inton Febrero 15 ken napauluan iti “Kayaw ken Parabur ti Sao: Poetry Reading, Writing Workshop and Dramatic Performance in Ilokano,” ibuksilan ni Agcaoili ti kunkunana a poetic aesthetics iti Ilokano.

Maawis dagiti amin nga agduyos iti panagdaniw nga umay agatendar iti daytoy a serye. Ti maikadua iti daytoy a serye ket maangay inton Marso 15. Inton Abril ti panggibus a session.

Iti Fiesta Ilokana ken Amianan a maangay iti Philippine Consulate General inton Febrero 24, mangangayto manen ni Agcaoili iti maysa a panagpanday iti sensibilidad ti panagdaniw ket isentro ti pandayan ti tema maipapan iti domestic violence ken cancer.

Kabinnulig ni Agcaoili ti Domestic Violence Clearinghouse and Legal Hotline ken ti Philippine Consulate General, ti Philippine Studies Program iti UH-Leeward, ken ti Gumil Hawai`i, ken Annak ti Kailokuan iti Amerika, ti Timpuyog Dagiti Mannurat nga Ilokano iti Amerika/Global ken ti 1st/2nd Mortgage.

No comments: