(Ken Leah, kasimpungalan. Ngem dina mabasa daytoy.)
1.
Sagpaminsan a manglangan
dagiti maseggaan nga apros
ken mabibbibi nga agek
iti agur-uray a balitang
dagiti maikawkawawa
a pananglaglagip, o ayat
Kayatko man a ballasiwen
dagiti kayyanak a taaw
kadagiti kanito ti panaginnaddayo
dagiti bara iti barukong,
dumteng dagiti alikuno
a mangabalbalay iti kakaisuna
a riknak, kas ita.
Awanka ngamin kadagiti rimat
dagiti bituen iti sardam
ita nga aldaw a nakedngan
a panagkasangay koma
dagiti main-inaw nga ubbing
a padeppa iti law-ang
ti dua a puso a napagkaysa.
Kunam no kua a dimo maawatan
dagiti sarita
a kabinnulig dagiti darisayen
a kebbakebba
Di kadi ta uray iti isip
agatang met dagiti baak
a buteng
agayab kadagiti rikna,
manutsutil, mangar-ariek?
Ngem di kadi ta
makirinrinnabak met dagiti gasat
iti agsapa dagiti ila
nga ikut dagiti panagpakada?
2.
Ala wen, rambakam ti kasangaymo
iti pantok dagiti ayug
a mangbirbirok kadagiti sagut
dagiti mayatang a palab-og
pangsilok ita kadagiti iliw
nga ipaanod ni pannakilantip
iti sabangan dagiti rebolusionario
a paripirip
ti mabirdabirday a balikas
ti manglaglagip.
Agsala no kua ti ladawan
ti selebrasionmo
iti maledleddaangan a puso
Ken wen, sinno
ngata ti kaabrasam
iti maiparit a kanito
daytay kapinnalludip
iti mannakabalin unay nga alikuno?
Agimon met, ayat, dagiti
marabrabian a pampanunotko
mail-ilada sagpaminsan
iti biag kadagiti isemmo
A Solver Agcaoili
5 comments:
yos, anian nga iliw... just keep blogging a... makatulong met kunam sa!
tagalogem man, manong, tapno maawatan ni manang leah. tiyak na kikiligin siya sa tamis ng sintang awit at parikalang haplos ng iyong makatang dila at nasa.
let me see--susubukan kong kaya. sa ilokano kasi ang isip ko noong ginagawa yun.
hola jim ken roy!
Salamat, Roy! Nagtatanong tuloy ako kung ako ba yung Leah na binabanggit niya. Logic tells me na hindi ako yun.
Joke! Huwag pikon!
ok, lemme try to think filipino/tagalog (ano ba talaga siya, ha?)!
Post a Comment