INTRO—GAPU TA KAYATNA A MINGMINGMINGAN
Daytoy a saritaan ket naibasar iti interbiu iti maysa a babai a naaddaan iti nakagangganas a padas iti lalaki.*
GAPU TA KAYATNA A MINGMINGMINGAN
Kastoy ti makaigapu no apay nga inayatko ti ukik. Nakababain ta saan a politically correct daytoy. Kayatko a sawen ket ammok nga iti koma pagdigosan ti nakapasamakanna, daytay pagdigosan nga addaan kadagiti asin nga aggapu iti Dead Sea, agtugtugtog ni Enya, siak mangay-ayat iti bagik a babai. Ammok ti estoria. Napipintas dagiti uki. Ti guratay iti bukod a bagi ket intenalisado a represion ken guratay iti kultura a patriarkal. Saan a pudno daytoy. Amin nga uki, agkaykaysa. Ammok amin, amin. Kas koma no dimmakkeltay iti kannawidan a nakayadalan a ti nalulukmeg a luppo ket napipintas, amintayo ket agum-uma kadagiti milkshakes ken Krispy Kreme, nakaiddatayo, amin nga aldawtayo ket nairanta a para iti panagpalukmeg iti luppo. Ngem, ditay dimmakkel iti kasta a kultura. Ginurgurak ti luppok ket lallalo pay a ginugurak ti ukik. Impatok a di nakapappapati a nakalalaad daytoy. Maysaak kadagiti babbai na nakakita iti uki ket iti dayta a kanito nagbabawiak a diak koman nakitkita. Nagsakitak.
Kinaasiak ti asino man a napan sadiay baba-idiay.
Tapno agbiagak, naginkukunanaak nga adda sabali iti baet dagiti luppok. Iti panunotko, maysa a muebles—cozy futons nga addaan iti nalag-an a cotton comforters, babassit a velvet settees, leopard rugs, wenno napipintas a bambanag—dagiti seda a panio, dagiti quilted a pot holders, wenno place settings. Nasanayak iti kastoy ket napukawko ti lagipko nga addaanak iti uki. No kasta nga adda lalaki a sumrek kaniak, inladladawak isuna iti uneg ti mink-lined a muffler, wenno maysa a mangkok a Tsinese.
Ket naam-amok ni Bob. Ni Bob ket ti kaordinarioan a lalaki a naam-ammok. Narapis ken natayag ken awan pangilanglangaam ken nakaaruat iti khaki. Di kayat ni Bob dagiti makan a nagasang ken di dumdumngeg ken ni Prince. Awan interesna iti sexy a panti. No kasta a panaggiinit, adda kadagiti linong. Dina imbagbaga dagiti nauuneg a riknana. Awanan isuna iti problema ket saan met a mammartek. Saan met a nakakatkatawa wenno nalaing a sumao wenno misterioso. Di met mangtagtagibassit wenno lumislisi. Saan a managimbubukod wenno karismatik. Di met agmaneho a napartak. Diak unay kinayat ni Bob. Diak koma nasayangan no dina pinidot ti sensiliok a naregrek iti suelo ti deli. Idi yawatna kaniak dagiti binting ken dies ket naginnapros dagiti imami, adda napasamak. Nakikaiddaak kenkuana. Daytan ti nakapasamak ti milagro.
Naduktalak a paggugustuan ni Bob dagiti uki. Maysa isuna a connoisseur. Kaykayatna ti pannakaaprosna kadagitoy, dagiti ramanda, dagiti angotda, ket kangrunaan ti amin kaykayatna dagiti langada. Masapul a mingminganna ida. Idi umuna a nag-sexkami, imbagana kaniak a kayatna a kitan ti ukik.
“Addaak ditoy,” kinunak.
“Saan, saan,” kinunana. “Masapul a kitaenka.”
“Sindiam ti silaw,” kinunak, impatok a maysa wirdo ket mabuteng iti sipnget.
Sinindianna ti silaw.
Ket kinuna, “Ok, nakasaganaakon, nakasaganaakon a mangkita kenka.”
“Addaak ditoy,” impayapayko, “addak ditoy.”
Idi kuan rinugiannak a labusan.
“Ania’t ar-aramidem, Bob?” kinunak.
“Masapul a kitaenka,” insungbatna.
“Saanen a nasken,” kinunak. “Aramidem.”
“Kayatko a makita no ania’t langam,” kinunana.
“Ngem nakakitaka idin iti nalabaga a leather couch,” kinunak.
Intuloy ni Bob. Dimon mapasardeng. Kayatko ti agbakuar ken matay.
“Nakamadmadi a kinasinged daytoy,” kinunak. “Mabalin kadi nga aramidem latta?”
“Saan, kinunna. “Sika iti pakabuklam. Kayatko a mingmingan.”
Tinengngelko ti angesko. Mingming a mingming. Dimmagsen dagiti angesna ket nagbaliw ti rupana. Saanen nga ordinario ti langana. Agarupen a maysa a mabisbisan nga ayup.
“Nakapimpintaska,” kinunana. “Eleganteka ken nauneg ken inosente ken kigaw.”
“Nakitam dagita a galad dita?” kinunak.
Kasla binasana ti paladko.
“Nakitak dagita,” kinunana, “ken adu pay, ad-adu pay nga amang.”
Nagmingmingming iti las-ud ti maysa nga oras a kasla nangad-adal iti mapa, nangob-obserba iti bulan, nangperperreng kadagiti matak, ngem ti ukik. Iti lawag ti silaw, binuyak ti panangmingmingna kaniak ket pudno a nagaggagaran, nakataltalinaay ken naragragsakan, nangrugi a nalpesak ket naguttogak. Nangrugiak a mangkita iti bagik kas iti panangkita ni Bob kaniak. Nangrugi a nariknak a napintasak ken naimas—kas iti naindaklan a ladawan, wenno dissuor. Saan a mabuteng ni Bob. Saan met a marusok. Nangrugiak a nagingar, nangrugiak a nagpannakkel. Nangrugiak a nangay-ayat iti ukik. Ket ni Bob, napukawna ti bagina sadiay, ket kinaduaak isuna, iti ukik, ket napukawkami a dua.
No comments:
Post a Comment