Daytoy Ukik a Makaunget*
(Daytoy a titulo ket saan a nasken a basaen a napigsa)
Makaunget ti ukik. Agpayso. Makapungtot. Marurod ti ukik ket kayatna ti agsao. Kayatna ti agsao maipapan amin kadagitoy a kinatakki. Kayatna ti makisao kadakayo. Kayatko a sawen, ania koma ti mamamaayna—maysa nga armada dagiti tattao nga agpampanunot no kasano a parigatenda daytoy kakaasi, naemma, managayat nga ukik. Aramatenda amin nga aldawda tapno agaramidda kadagiti psycho products, ken naalas nga idea tapno laeng perdienda daytoy mabagbagik. Bagas ti ukinanada amin.
Amin dagitoy a kinalanggong a kayatda nga ipalamot kadatao, pangdalusda kampay idi kadatayo, amin dagitoy ket pumanaw. Ngem saan a pumanaw ti ukik. Makarurod ket agbati ditoy. Kas kadagiti tampon—ania aya dayta? Maysa a namaga a sangalukot nga ukininana a kapas a maiselsel iti uki. Apay koma a dida makabirok iti pamuspusan tapno aramidenda a nagalis dayta a tampon? No makita ti ukik daytay a tampon, maklaat nga insigida, mapabutngan. Kunana a lipatem dayta. Agserra. Masapul nga ar-artiokam ti uki, saysayaatem yam-ammo dagiti bambanag, isaganam ti dalan. Daytay ti kayat a sawen ti pasakalye ni ayat. Masapul a kumbinsirem ti ukik, sulbogem, ay-ayuem tapno maalam ti talek ti ukik. Dimo maaramid dayta babaen iti namaga a sangalukot nga ukininana a kapas.
Sardengamon ti mangselselsel iti ukik. Sardengamon ti mangiduron a mangiduron kadagiti bambanag iti uneg ken mangdaldalus. Saan a masapul ti ukik ti pannakadalusna. Nabanglon daytoy. Saanmon nga arkosan. Dimo patien isuda no ibaga ti lalaki a kasla angot ti petalo no ti pudno ket angot a talaga ti uki. Dayta ti ar-aramidenda, padpadasenda a dalusan, aramidenda a kaang-angot ti spray para iti bathroom wenno maysa a hardin. Amin dagitoy a douche sprays, floral, berry, wenno tudo. Diak kayat nga agangot a kas tudo ti ukik. Nakadaldalus kas iti pannakaugas ti lames kalpasan ti pananglutom. Kayatko a maramanan ti raman ti lames. Isu ngarud nga inorderko.
Ken adda dagiti examen. Sinno’t nakapanunot kadagitoy? Adda siguro nasaysayaat a wagas tapno maaramid dagitoy nga examen. Apay dagitoy nakabutbuten a bado a papel a manggarumiad iti murdong ti susom ken agringgor no agiddaka tapno mariknam a kas ka la sangalukot a papel nga imbatoda? Apay dagiti rubber gloves?Apay a dagiti flashlight a kasla man ni Nancy Drew ket agub-obra laban iti gravity, apay dagiti Nazi steel stirrups, dagitay di magrikna a nalamiis a duck lips nga iselselda iti uneg ti ukim? Ania dayta? Makaunget ti ukik kadagitoy a panagbisita. Agdepensa adu a lawas sakbayna. Saan a rummuar iti balay. Kalpasanna, mapanka sadiay. Dimo kadi kasuron ti kasta? “Dika agkiet. Irelaxmo ti ukim.” Apay? Tapno maiserrekmi dagitay awan riknana a nalamiis a duck lips iti uneg. Saan ti panagkunak.
Apay a dida makabirok iti naganas a purple velvet ket ibalkotda kaniak, ipaiddadak iti nalamuyot a kapas a ponda, pagarutendak iti nasayaat ken mannakigayyem a derosas wenno asul a guantes, ken paginanaek ti sakak iti maysa nga estribo a nabalkotan iti dutdot a nalamuyot. Pabaraem dagiti duck lips. Ar-artiokam ti ukik.
Ngem saan, adu pay a tortiur—namaga a nalukot nga ukinana a kapas, nalamiis a duck lips, ken thong enderwear. Daytan ti kalaadan. Thong underwear. Sinno ti nakapanunot iti kasta. Aggaraw a kankanayon, maiselsel iti likod ti immittip a patongmo.
Ti uki ket masapul a nawaya ken naakaba, saan a pagdekdekketen. Isu a naalas dagiti girdles. Masapultay ti agkuti ken agkayang ken agsao ken agsao. Masapul ti uki ti liwliwa. Mangaramidka iti maysa a kasta. Maysa a mangted kadakuada iti ganas. Kayatko a sawen mangaramidka iti maysa a pares ti nalamuyot a kapas a pagan-anay nga addaan iti French tickler. Agmalem nga agalimpatok dagiti babbai, agalimpatokda iti supermarket, agalimpatokda iti subway, agalimpatok a maragragsakan nga uk-uki. Dida no kuan maibturan. Makitada dagitay naregta, di maputpugtitan, napudot a naragsak nga uk-uki.
No makasao laeng ti ukik agsao maipapan iti bagina kas iti panagsaok maipapan iti bagik, agsao maipapan kadagiti sabali pay nga uki, mangiparang kadagiti impresion dagiti uki.
Agaruat iti kadagiti diamante a Harry Winston, awanan kawes, kasta lattan a naarkosan kadagiti diamante.
Timmulong ti ukik a nangiruar iti maysa a higante nga ubing. Pinanunotna nga ad-adu nga amang ti maaramidanna ngem iti kasta. Madi. Itan, kayatna ti agbiahe, dina kayat ti adu a kadua. Kayatna ti agbasa ken mangammo kadagiti adu a bambanag ken rummuar a mamin-adu. Kayatna ti sex. Pagay-ayatna ti sex. Kayatna ti mapan iti naun-uneg. Mabisin iti kaunggan. Kayatna ti kinaasi. Kayatna ti panagbalbaliw. Kayatna ti ulimek ken wayawaya ken dagiti naalumanay nga agek ken nabara a likido ken nabugas a sinnagid.
Kayatna ti tsokolate. Kayatna ti agriaw. Kayatna ti sumardeng nga agpungtot. Kayatna ti mangayat. Kayatna. Daytoy ukik, ukik. Kayatna amin.
No comments:
Post a Comment