INTRO—TI UKIK KET TI SIBUBUKEL A PUROKKO
Ininterbiu dagiti bakwti a babbai a Bosnian idi madama ti gubat ti Yugoslavia, kadagiti kampo ken sentro dagiti pagbakwitan.
Manipud duapulo aginggana’t pitopulo a ribo a babbai ti niramesda iti tengnga a Europa kas sistematiko a taktika ti gera. Nakakaskasdaaw no apay a bassit laeng ti naaramidan dagiti tattao tapno maatipa daytoy. Ngem, kas met iti Estados Unidos, kada tawen, agdagup lima gasut a ribo a babbai ti marames, a maysa met a kita ti gera.*
Daytoy a saritaan ket nakabase iti maysa nga estoria ti babai. Iparangtay ita iti daytoy a rabii para kadayta a babai ken para kadagiti naisangsangayan a babbai ti Bosnia ken Kosovo.
TI UKIK KET TI PUROKKO
Ti ukik ket berde, nadanum a nalamuyot a derosas a bengbengkag, agem-emma dagiti baka ti init ket agpalpallailang ti nakarinio a nobio sagsagidennak babaen ti maysa a nalamuyog nga olandes a garami.
Adda banag nga adda iti tengga dagiti luppok. Diak ammo no ania dayta. Diak ammo no yanna. Diak sagsagiden. Saan ita. Saanen. Manipud idi.
Nakalalaaw ti ukik, di makauray, sobra, adu a sao balikas nga agsarsarita, dina maidian ti di mangpadas, din a maidian ti di agsao, o wen, o wen.
Nanipud pay iti panagtagainepko iti maysa a natay nga ayup a naidait sadiay babaen iti napuskol a nangisit a lubid ti banniit. Ket ti nakabungbungtot nga angot ti natay nga ayup ket di maikkat. Ket ti karabukobna ket naiwa ken agdardara iti badok ti kuaresma.
Ti ukik agkankanta kadagiti kanta dagiti babbai, amindagiti kilingkiling dagiti kalding agkilingkilingda kadagiti kanta, amin dagiti kigaw a kankanta iti panagreregreg dagiti bulong, kankanta ti uki, kankanta iti balay ti uki.
Nanipud pay a dagiti soldado ket inserrekda ti atiddog a nabaked a riple iti kaunggak. Nakalamlamiis, ti landok a tubo pinukawna ti pusok. Diak ammo no ikasada wenno itudokda iti agrikusrikos nga utekko. Innemda amin, duduktor a monster nga addaan iti nangisit a maskara a mangiserserrek ti botelia iti mabagbagik. Adda dagiti sanga ti kayo ken dagiti ungto ti pagsagad.
Ti ukik aglanglangoy iti danum ti karayan, nadalus nga agliplipias a danum iti rabaw dagiti bato a niluto ti init iti radaw dagiti muting a bato, muting a bato a di mabilang.
Nanipud pay ti panakangngegko ti kudil a mapisang ken nakaaramid iti kasla lemonade a timek ti pannakapisang, nanipud pay idi maysa pidaso ti ukik ket napirsay a napan iti imak, maysa a parte ti pingping ti uki, ita ket maysan a bangir ti pingping ti uki ket awanen.
Ti ukik. Maysa a sibibiag a nabasa a purok ti danum. Ti ukik ti ilik.
Nanipud pay pinagpasapasaandak iti unos ti pito nga aldaw nakaang-angotda kas takki and sinuoban a karne, imbatida ti narugit a kapsitda iti unegko. Nagbalinak a karayan ti sabidong ket amin a mula natayda, ken dagiti lames.
Ti ukik sibibiag a nabasa a purod ti danum.
Nirubbuotda. Inuragada ken pinuoranda.
Diakon sagsagiden ita.
Dika agbisita.
Agindegak iti sabalin a lugar ita.
Diak ammo no sadinno dayta.
No comments:
Post a Comment