Maysa a Pasamak a Saan-Unay-a-Naragsak
Daytoy ket maysa a pasamak a saan unay a naragsak a naadaw iti The New York Times,
Abril 1996 (ken inapdeyt tapno maipakitana dagiti kaudian nga istatistika):
Ti pannakaputed ti mabagbagi ti babai ket naisayangkat iti agarup 130 a million nga ub-ubbing a babbai ket babbalasang. Kadagiti pagilian a pakaprakpraktisanna, kaaduanna iti Africa, agarup dua a million nga ubbing iti makatawen ti makapadas iti tadem ti kutsilio, wenno labaha, wenno buong a sarming—tapno laeng putdenda ti mutingda wenno ikkatenda a napaypaysa.
No aramiden daytoy kadagiti lallaki, kaarngi daytoy ti pannakaputed ti buto wenno ti pannakaipunget ti sibubukel a buto. Dagiti insegida a resultana: naynay nga impeksion iti pagisbuan, nakasasaem a pannakaparigat ken didigra iti panaganak, ken nasapa a pannakatay.
No comments:
Post a Comment