BASBAS ITA NGA ALDAW. BASBAS TI AMARIS.
Sapay koma ta ti amaris ket mangted dam-eg iti bengkagmo tapno panggapuan daytoy ti irurusing ti naituglep a dagam.
Sapay koma ta ti arbis ket mangted panangdalepdep iti arubuyanmo tapno mangriing kadagiti nairidep a sabong nga idi ket mangmangted maris ken naisangsangayan nga ayamuom iti aglawlaw ti taengmo.
Sapay koma ta ti arimukamok ket mangbisibis iti dalanmo tapno iti panagdaliasatmo ita nga aldaw ket saan a dumket kenka ti tapok, rugit, ken asuk ken tapno iti pagan-anaymo ket ti kinadalus a kas koma met ti bagim ken ti kararuam.
Sapay koma ta kasta.
(Invento a kararag ni A Solver Agcaoili, Hon, HI, Abril 10, 2013)
No comments:
Post a Comment