BASBAS TI PAMMUKEL


BASBAS ITA NGA ALDAW. BASBAS TI PAMMUKEL.

Sapay koma ta dagiti intukitmo iti naaradon a talonmo ket agrutingda a nasayud tapno makitada nga insegida ti lawag ti ubing nga init.

Sapay koma ta iti panagruting dagiti mulam ket araken dagiti kulibangbang kas met dagiti tumatayab tapno dagiti motada ket agbalin a rugi ti pammukel.

Sapay koma ta kalpasan ti pammukel dagiti mulam ket ti panagbungada iti naruay tapno mapno ti labba ken kuribotmo, ket tapno mamutittit ti langgutsim.

Sapay ta ti basbas ti pammukel ket maiburaymo iti sabali tapno ti rang-ay ket agbalin a nainsapasapan.

Sapay koma.

(Partuat a kararag ni A Solver Agcaoili, Hon, HI, Abril 23, 2013)

No comments: