Tabag, Panabag, ken Dadduma Pay- Monolinggual a Diksionario ken Tesoro nga Ilokano

Maisagut iti nalaing a mannaniw nga Ariel Sotelo Tabág

tabág 1. png banag a mainayon tapno pangsukát iti mapukaw, maatianan, wenno maibus (a banag), kas iti pannakaatianan ti banga no agluto, isu nga ikakaadu ti danum a pangtabag (wenno panabag) 2. png banag pangsandi iti panagbangon iti balay, wenno iti panagipatakder iti pasdek, kas koma ti panangiranta a panangnayon iti gabor tapno no agsimpa ti daga ket apagpagisunto ti pannakapinas daytoy 3. prt agtabag, mangtabag, tabagam, tumabag 4. pld natabagan 5. png panabag 6. kej ‘Impaigidna dagiti nakali a daga iti kaabay nga abut ta panabagnanto (wenno pangtabagnanto) no malpas a maipuesto ti panuli nga adigi iti sango.’

Sors: A Solver Agcaoili, Monolinggual a Diksionario ken Tesoro nga Ilokano (forthcoming).

No comments: