BASBAS TI KILAT-Abril 18, 2013


BASBAS ITA A BIGAT. BASBAS TI KILAT.

Sapay koma ta basbasannaka ti kilat tapno daytoy ket mangted kenka iti agnanayon a pia ken karadkad, kasta metten iti pannakapnek iti biag.

Sapay koma ta daytoy a panagbunga ti mulam, ken dagitoy umuna a bunga nga inka masaramsam, ket mangparegta kenka, mangted kenka iti kired nga agkararag.

Sapay koma ta ti kilat ket mangted kenka iti namnama manipud ita agingga iti unos ti panagbiag tapno babaen iti daytoy a namnama ket makaitedka met iti namnama iti pagayam, kaarruba, ken kafamilia, ken tapno iti panaginanam iti rabii kalpasan ti panagbannog ket ti masindadaan a sagut kenka ti bannawag.

(Partuat a kararag ni A Solver Agcaoili, Hon, HI, Abril 18, 2013)
1

No comments: