ARIKENKEN KEN KURRITI

Version by Aurelio Solver Agcaoili


(with inputs for the first 5 stanzas from Mrs. Lucia Geronimo,
GUMIL Hawai’i)


1.0
Arikenken, arikenken
Dikan unay dumenden
Ta akikid ti ikamen
Arikenken, arikenken

2.0
Arikenken, arikenken
Dika unay dumenden
Sakanto lang dumenden
No parbangon nga adalem

3.0
Ta isunto’t panagtangken
Daytay kasla pandeng
Daytay pandeng tumangken
Ariken, arikenken

4.0
Nakapsut a kawitan
No dina masarigsigan
Tay upa a pamusian
Nga agitlong ‘ti sarsardam

5.0
Agramaakto man la ketdi
‘Ti sanga ti salamagi
Burakekto no rabii
Naglames pasig a kippi

6.0
No sumarigsig ti kawitan
Dumalaga a nalasbang
Sumarigsig ketdi lattan
Nga awan pasakalyenan

7.0
Madi ti kastoy nga ayat
Ti agsarigrig a kawitan
Agsarigsig ketdi lattan
Nga awan pasakalyenan

8.0
Kurrrit a kurriti
Ti barukong ti durgi
Kurriti ti lalaki
Dina ammo ti agkari

9.0
Kurriti a kurriti
Makikurriti’t ari
Ti lalaki a durgi
Dina ammo ti agkari

10.0
Masapul a sugsogan
Ti babai nga ayaten
Tapno kadi mayat
A mangaprso iti dalayap

11.0
Ti babai a maay-ayat
Iti rabii naragsak
Ti babai a naemma
Urayenna ti arikap


(NOTE: AL-ALISTO, KURIPASPAS STYLE)

12.0
Ni lalaki a natakneng
Agayat nga agparintumeng
Ni asawa ilalaen
Kanayonto nga agparbeng

13.0
Ta kasta la ti biag
Kasta’t aginnayat
Itedmo ti ayat
Masagrapmo’t ragragsak

14.0
Isu ngarud nga agkurriti
Agkurriti nga agkurriti
Tapno kakurriti
Kurritienna’t bagi

15.0
Agbara ti bagi
Gapu iti kurriti
Agarikenken nga agkurriti
Ti agassawa nga agkurriti

16.0
Iti kasta a manayon
Ti ayat mataginayon
Maarikenken a kanayon
Makurriti nga aglayon

17.0
Ngarud agarikenken
Agkurrititay aminen
Agarikenkentay aminen
Nga agkurriti, agragsaken

18.0
Ipanyon a rikna
Panagdenden ‘ti ikamen
Dumendenka a dumenden
Ta no di lamiisen

19.0
Biroken ti bara
Beggang iti idda
Tapno iti kasta
Maarikenken ti rikna


20.0
Iti kasta agabuniag
Iti mabiit agpunsion
Ti rikna ken lasag
Uray no agmatuon

21.0
Arikenken, arikenken
Ipantayon a rikna
Agkurrititay ngaruden
Amin agarikenken


(Note: original version first performed at the 2007 IALC conference at the Philippine Consulate General, Oct. 2007; premiered at the Filipiniana Variety Show, Jan. 13, 2008, KORL 1180 AM, with Angie Duque and Aurelio Agcaoili hosting and with Nora Cabico, Angie Duque, and Aurelio Agcaoili performing).