Baliwangga, Baliwangga

"Have they not hung up men with heads downward, drowned them in sacks, crucified them on planks, buried them alive, crushed them in mortars? Have they not forced them to eat excretement? And, having flayed them with the lash, have they not cast them alive to be devoured by worms, or onto anthills, or lashed them to stakes in the swamp to be devoured by mosquitoes? Have they not thrown them into boiling cauldrons of cane syrup? Have they not put men and women inside barrels studded with spikes and rolled them down mountainsides into the abyss? Have they not consigned these miserable blacks to man-eating dogs until the latter, sated by human flesh, left the mangled victims to be finished off with bayonet and poniard?" Henri Christophe, on the treatment of the French of their African slaves in Haiti




Ita ti panangidasar iti amin a sarita
a di malamut ti aso.

Dagiti indulin kadagiti gumawgawawa
a tanem nga itay ket mamingga
nga ita ket masukay
tapno ditoy nga idulin dagiti agdama
a pimmusay tapno din manglagip
iti pakasaritaan ti inhustisia
tapno din mangidasar iti atang
kadagiti mayordomo, amo a pulano
ti panagsagaba.

Ngem idi, iti naunday
a tiempo ti panagbaliwangga
dagiti kolonisador, iti gameng
kas iti kinatao, sa ti kinabaknang
nga adda kadagiti Arawak
idi un-unana, idulin ta idulin
dagiti malagip a padeppa
ti ranggas. Kaano a naudi
a nakita ti Taino ti karbenganna
kadagiti lames wenno ti dalluyon
nga umagek iti templo ti dios
iti sakaananna, sa ti dawel
a no dumteng iti kapanagan
ket maysa a nalinak a buya ti agsapa?

Ita ket ti didigra.

Ngem sipud pay idin daytoy, manipud
kadagiti siglo nga indateng
dagiti kinautibo a pakasaritaan
kadagiti liday wenno ikkis wenno dung-aw
mariput a wayawaya dagiti agbalin nga adipen
a no umisem ket manglaglagip
iti Africa.

Ita ket ti daraan a konsiensia.

Isublida amin a ginaramugamda
manipud kadagiti rangaw ti kappakappa
agingga iti bunggaria ti kalsada:
ditoy ti mansayag nga awan ipusna.


Honolulu, HI

No comments: