Uray no matay ti bagi, la ket ta mabiag ti kari. - Pagsasao nga Ilokano
Agisagana itan bulbullagaw
kadagiti ap-appan iti mata
kasla panagliwliw daytoy
wenno panagtabukol iti aripit
tapno maikisap naknakem
makullaapan is-isip kinakisang
kadagiti baybay wenno rama
tapno iti apagdarikmat
a panagkulaidag ket ti kari
ti ilado a lames iti seniora
daytoy a bassit a dulang a no manglangan
ket tawen tapno iti rabaw daytoy
ket ti kulay-ongan a bingraw
ti soldado a kuton nga agkettel
iti kaawan maiyawid a sinam-it
iti reina dagiti am-amangaw.
Kas umili, rugian ti panagrespeto
iti maidasar nga iti panagdalupisak
ket ti inanama ti pannakairanud
daytay makapatig-ab a ladawan
pannakapnek maidiaya a raman
adu dagitoy, manipud sinam-it
agpatingga iti panagtagainep manen
tapno malagip konkontrat' sasaaden
saan a no ania ti maipakat a pangar-arit
wenno saosao lattan a pananglamlamiong
siudsiudadano iti bisin nga iti aglagaw
a tiempo ket ti saraaw ti ammo
a paulo dagiti amin nga ar-araraw
iti lenned a dagiti an-anek-ek
ket mabatida a parparawpaw
arkos kadagiti punsion, bistat' taripnong
nga iti uloulo ti lamisaan a napanayag
ket ti fantasia ti kinalabon.
Mabiag ti bagi
ngem awan ti kari
ta ditoy nga ili a naiyaw-awan
permanente a residente bambanti.
Hon, HI
No comments:
Post a Comment