Umagibas ti paskua iti dayo.
Agrapiki ketdi ti daan a templo
Ket kunam la no agpaypayapay
Ti lubong. Kunaem iti bagim:
Sumakmolka latta iti ladingit, dungngo
Maysa a subo kada aldaw
A maalisan iti puni
Wenno mapitotan ti sirmata
A partuaten dagiti nagal-alusan
Nga ayat a nasudi kadagiti lukong
Iti malmaldaang a dakulap.
Iti sumuno nga aldaw ket ti tupig
A sangabugsong, baduya
Nga aglansad iti tian ta sadiay
A kablaawanna dagiti imaima
Dagiti iti nabayagen a panawen
Ket din naayaban iti pannakiranud iti atang.
A Solver Agcaoili
Hon, HI
Dec 2007
No comments:
Post a Comment