AKROLEKTO--BALIKAS 441

BALIKAS ITA NGA ALDAW. (441) -- AKROLEKTO.

akrolekto 1. png klase ti dialekto a makuna nga addaan iti pantok iti iskala dagiti dialekto ti maysa a lengguahe; no di maysa a lengguahe ket di pay dimmalan iti makunkuna nga ofisial nga istandardisasion, daytoy ket ti dialekto nga addaan iti kolektivo nga energia gapu ta popular ken addaan akem iti pannakasustenir iti pagsasao iti diakroniko a panagtulid daytoy 2. png dialekto iti maysa a pagsasao a kangatuan iti prestigio 3. png bobeda iti makunkuna a kontinuum ti maysa a kriolio a pagsasao a ti suelo (wenno basar) daytoy ket ti basolekto, ken ti nagtengnga ket ti mesolekto 4. nota a kultural: iti kaso ti lengguahe nga Ilokano, ken gapu iti kinaawan pay iti istandardisado a langa daytoy, ti dialekto a mangmangted iti energia iti expresion ti kina-Ilokano nga ibabaet ti lengguahe kas iti akademia, kritikal a sosial a media, literatura, ken aminen nga expresion ti kultural a biag ni Ilokano makuna nga ejemplo ti akrolekto; makita ditoy, kas pagarigan, iti diskurso ti Panagadal Ilokano a pinundar iti akademiko a wagas dagiti universidad ken intelektual nga institusion iti man Ilocos wenno iti ballasiw-taaw; ti nabiag a literatura partikular ti literatura a progresivo; ti publikasion dagiti organisado a religion; dagiti sinurat dagiti intelektual iti pagsasao nga Ilokano; ken ti mas media; amin dagitoy ket adda kadagiti sentro ti produksion nga epistemologiko 5. spp acrolect (Ing), acrolecto (Esp) 6. etim, neo, Ing, Esp, agg Grg, akron + lect, kangatuan a panagiyebkas 7. dsg basilekto, dialekto, mesolekto

Sors: A Solver Agcaoili, Monolinggual a Diksionario ken Tesoro nga Ilokano.

No comments: