VON ALEXANDER LLAGAS SPEAKS

Siak ni Von, ti Maladaga a Daton

A THREE-month-old baby sleeping on his crib was killed by a stray bullet during the New Year revelry in Caoayan town, Ilocos Sur province. The infant, Von Alexander Llagas, was hit in the head and died while being treated in hospital. Last year, Stephanie Nicole Ella, 7, died after being hit by a stray bullet while watching fireworks with her family in Caloocan City. – Manila Times, Jan 1, 2014

Siak ni Von, ti maladaga a daton.
Iti maladaga a bagi, ditoy a nagpumpon

Ti bala ti paltog maysa nga agimmimiron,
Ti tao a kabagis ti addaan lamiong.

Addaak iti kuna, iti naimeng a parbangon,
Iti espasio ti ulimek ken kanilbuong.

Ditoy, iti linged dagiti ariwawa a maton,
Iti saklot ti maladaga nga indayon,

Ditoy nga agurayak iti agmatuon
Tapno iti taraok ket ti umay a labon

Iti komedor dagiti nagannak, ditoy ti aklon,
Ti koma panagallintokko nga agpatinayon.

Adu dagiti anghel a kaduak, kabulon
Iti ay-ayam iti ray-ok nga agnanayon.

Ita ket agpakadaak pay, dikay agpabalon
Lua ken kes-ang a dagensen ti tampong

Tano nalag-an ti kararagko a taraon,
Nga isublik kadakayo amin a tallaong.


Hon, HI/Enero 1, 2014

No comments: