Impunidad-- Balikas ita nga Aldaw. 443.

BALIKAS ITA NGA ALDAW. (443) -- IMPUNIDAD. 

impunidad 1. png kinaawan pannakadusa iti panagabuso wenno aramid a maikanniwas 2. png kinawayawaya nga agaramid iti rumbeng gapu ta awan ti sungsungbatan kadagiti bunga dagitoy nga aramid 3. png sobra a privilegio tapno aramiden ti kaykayat nga awan pagbutbutngan 4. png maysa nga espesial a panagtratro iti maysa a partido nga awanan iti obligasion 5. sin awanan-dusa, liabilidad, obligasion iti aramid, sungsungbatan a responsibilidad 6. spp impunity (Ing), carte blanche (Ing), favoritism (Ing), impunidad (Esp) 6. etim Esp, Ing, agg L, impunitas, agg in + poena, ‘awanan dusa’ 7. kej ‘Makapapungtot daytoy nga impunidad nga aramid daytoy a senador nga awanan iti bain ken nakabengbeng ti rupana a no aggastos iti kuarte ti pagilian ket kunam la no bukodna a kuarta nga aggapu iti bulsana.’ wenno ‘Daytoy nga impunidad dagiti agtuturay ti mitsa ti maysa a dangadang a mangitunda iti nainsapasapan a panagbalbaliw kadagiti oppresivo nga istruktura ti gimong.’

Sors: A Solver Agcaoili, Monolinggual a Diksionario ken Tesoro nga Ilokano.

No comments: